WEEK 33 - 38 : 一堆瑣事....

2014年8月18日（一） - Week 33 + 4 days （懷孕第235天）

放工去QE聽TALK,, 呢個應該係最後一個了吧,, 要聽的都聽夠了,,

呢個TALK最緊要係比我地知道要生既時候黎都QE要去邊, 做D咩,, 好實用!!

呢個抄notes王又上左身....哈哈!!!

2014年8月21日（四） - Week 34（懷孕第238天）

老公拎左假,, 因為今日要去QE照超趕波,, 係之前私家幫私寫紙去照既,,

因為BB好似太大,, 所以睇下要唔要開刀....

政府醫院係照得求其d... 問一句,, 答一句... 極快就照完...

又冇相可以拎走... 不過都叫比影幾張相... 但係影完都唔知似咩...

問咩都話「ok既, 冇問題既!!」 ..........

結果bb頭同肚都係大,, 但未大到要開刀... 都可以順產...

暫時34周重2.4kg,, 即5.3磅左右...

偏大碼啦!

2014年8月29日（五） - Week 35 + 1 days （懷孕第246天）

來到差不多最後一個月了....

BB大到我開始有點負荷不來...

壓到我訓覺好易腳抽筋,, 腳痺... 老公就好無辜成日比我叫醒按腳...

側訓太耐又腳痺,, 但想轉個身下半身又好痛...

加上膀胱被壓到會尿頻,, 半夜一定要起幾次身...

心情又緊張,, 又期待... 真係好複雜.....

而奶奶都開始為煲薑醋做準備喇,, 買左十幾斤薑... 老人家話早d煲會好味好多!!

全家人都幫手刨皮,, d薑皮仲要曬乾比我坐月沖涼呢!!

2014年9月3日（三） - Week 35 + 6 days （懷孕第251天）

今日去QE產檢要順便驗埋「B鏈」, 即係在陰道同肛門拎D分泌物睇下有冇菌...

如果有「B型鏈球菌」順產果陣會好易傳染比BB...

so far我都pass左!! 冇事!!

媽咪同奶奶都各自買定金扼仔送比個衰B,,

奶奶揀左呢隻,, 話因為佢好「愛」呢個「馬仔」咁解喎,,, 哈哈!!!

2014年9月6日（六） - Week 36 + 2 days （懷孕第254天）

9個月有多了!!

已經進入大直路喇,, 回想當初有左,, 好似發左場夢咁...

不過一定係個好美好又幸福的夢!!

今日又係一位中學同學 - 小慰婚禮!!

參加埋呢個婚禮... 仲有一個,, 就參加完我懷孕期內所有婚禮喇!!

一直都聽講老人家有存在禁忌唔中意有大肚婆去婚禮,,

幸好大肚咁耐都未被嫌棄過,, 哈哈!!

因為我真係好中意參加婚禮,, 尤其係相識多年既中學同學,,

真係特別感動!!

又可以見返一齊長大既同學仔!!

仲有中學既恩師們!!

當日十下十下既我都要做人媽咪喇,, 佢地都仲好似冇老過咁既....

 祝福一對新人白頭到老,, 三年抱兩!!

2014年9月13日（六） - Week 37 + 2 days （懷孕第261天）

今早一早要去中大上堂,, 老公怕我會出咩突發事,,

所以放假都一早陪我返,, 好感動... 呢段日子真係辛苦佢了...

放學返到屋企老公同奶奶砌BB床,, 其實買左好耐嫁喇,,

不過老人家傳統,, 係要擇個吉日先砌既!! 就姐係今日喇!!

成功!!!

夜晚呢... 又同班「開P友」開P,, 應該係生仔前最後一個P喇!!

下次就多左BB黎攪攪震lu!!

阿肥整甜品真係好勁!! 我都係負責食...哈哈!!!

2014年9月17日（三） - Week 37 + 6 days （懷孕第265天）

返埋今日工,, 就正式開始我前2後8既產假喇!!!

希望BB唔好浪費咁多我既假期... 快D出黎,, 等我可以陪佢耐D啦...

2014年9月20日（六） - Week 38 + 2 days （懷孕第268天）

今日係我懷孕期內最後一個婚禮!!
老公個好兄弟 - 阿南結婚了!!
地點在上水既律師樓,, 岩哂在中大返學既我,, 放學可以直接去!!

睇得出一對新人都好緊張呢哈哈!!

老公同一班兄弟都好興奮,, 十幾年兄弟,, 真係唔簡單!!

要幸福快樂呀!!!

2014年9月24日（三） - Week 38 + 6 days （懷孕第272天）

話說.... 已經就黎39周.... 我地2公婆等都等到心灰... 哈哈!!

今日都係要去QE例檢... 應該... 係最後一次了吧....?!

點知撞著個實習既男仔,, 得罪講句... 真係好廢...

講句野連自己都心虛.... e e er er咁...

我問既野佢亦答到不知所謂.... 唉...

聽日係我同老公結婚2周年,,

之前諗住可以同埋BB一齊慶祝... 點知同個衰B講數講左咁耐...

佢都係唔肯出黎... 少少動靜都冇...

咁就算啦!! 我地2公婆靜靜地慶祝!!!

老公出乎我意料有準備卡同禮物!! 最近咁忙,, 我諗住佢都冇時間準備....好彩我都有姐...

已經一齊左5年多,, 讀老公寫既卡仍然都係會感動到喊... 哈哈!!

感恩生命中有你陪伴!!

生活雖然平淡平凡,, 但係有了你即使平凡卻,, 最重要! =)

week 32 - 33 : 臍帶鬆左喇!! + 探BB + 影大肚寫真!

2014年8月7日 (四) – week 32 (懷孕第224天)

「新丁」8個月喇!!!

丫, 我要講下點解B仔叫「新丁」…

本身呢我同我個朋友話不如叫「一丁」,, 因為係第 ”一” 個男 ”丁”…

講下講下就變左「新丁」,, 老公話幾得意!!

因為佢係“新”黎到呢個世界嘅男“丁”,,,
而且我希望佢無論將來遇到咩人咩事,,,

都會同卡通新丁一樣有樂天善良嘅心態面對,,
最重要係卡通新丁同老公一樣,, 有咩事都好,, 總有一大班朋友兄弟撐住,,相信我地嘅「新丁」都會同老公一樣甘多朋友姐!!
不過最緊要唔好似卡通新丁咁痴脷筋同埋成日都流鼻涕啦,, 哈哈!!

我地呢個年代都係睇「忍者亂太郎」長大,, 講起都想睇返!!

好,, 廢話講完,, 入返正題!!
今日係book左去私家睇BB,,

對上果次睇就係發現「臍帶纏頸」果次,,
所以今次去其實都幾緊張...

不過係好消息!! 醫生話BB好叻,, 自己轉返出黎喇,,

完全冇再被臍帶纏住!!

即刻放心哂!!! 真係好叻仔呀新丁!!!

身形同體重方面呢…

個頭仍然係比預期大左2個weeks… 個肚又大左1個week…

而家32周人仔,, 已經係34周既身形…

重2.1kg…醫生話2.2kg已經叫加大碼…

姐係佢已經係屬於大碼B既最盡……

真係唔知好嬲定好笑…我食幾多佢就拎幾多……

唯有我食少D啦……

2014年8月8日 (五) – week 32 + 1 days (懷孕第225天)

今日係媽咪一星期大假既最後一日,,

我地3姐弟都夾好哂一齊放假陪佢!!

我地應承過媽咪年年都要陪佢去旅行,, 不過今年我大肚,, 所以去唔成…

最後就陪佢去左尖沙咀食tea buffet!!

呢間都幾好食喎!! 又抵,, 百幾蚊食到飽哂!!

之後同媽咪係尖沙咀行左一陣,, 雖然冇咩目的,,
不過可以陪下佢我地已經好開心!!

我地3個不嬲都好鍚媽咪,, 因為媽咪又要返工又要顧屋企真係好辛苦,,
加上自己有左BB之後就更加感受到「母愛」既偉大,,
所以更加希望可以做多少少令媽咪更加開心!!

2014年8月10日 (日) – week 32 + 3 days (懷孕第227天)

好耐好耐冇去聽講座lu,, 聽埋都應該已經8899,,

今次係「雅培」攪既,, 一D都唔悶,, 幾個講者都好風趣,,

每一次老公都好落力抄 notes...

聽完拎到既贈品都叫好有用!! 係D產婦用M巾,,

咁我可以買少D喇!!

今日順便影大肚相,,

我既「肚紋」自新丁極速長大之後就開始一發不可收拾.....

2014年8月16日 (六) – week 33 + 2 days (懷孕第233天)

今日係第2堂,, 都係最後一堂既「產前運動班」,,

上次老公返左大陸冇黎,, 今次終於都係老公陪我去喇!!

呢句野有語病.. 咩叫「一位丈夫」...?!
難道可以有兩三位丈夫陪同嗎....

 不過大半堂老公都係坐埋側邊聽,, 最後先學做點幫老婆按摩!!

好多準mama一齊學!!

下晝我地去左探中學同學既BB仔,, 佢已經八個幾月喇,,
肥嘟嘟,, 好可愛!!

遲D新丁出世就有哥哥陪佢玩喇!!

我最羨慕佢地可以寵物同BB一齊相處…

好多研究 (同埋我自己都深信) 有養寵物既屋企係可以培養到小朋友既責任感,,
同埋更痴家!!

雖然有隻天竺鼠,, 但其實我自己都好想養貓狗,, 不過唔係咁多老人家可以接受到…

晚上我地要出席另一位朋友既新店開張,,

呼今日好忙呢…早午晚都有約哈哈!!

JOEY係尖咀開左間整指甲同睫毛既店,,

大家有興趣都可以幫襯下!!

 2014年8月17日 (日) – week 33 + 3 days (懷孕第234天)

今日係影大肚相既日子,, 人生第一次懷孕..

一定要留個倩影既,, 哈哈!!

我地決定搵返婚禮果陣果team攝影 - vision wedding production,, 

因為婚禮當日佢地都影得D相好好!

有信心既保證,, 自然放心好多!!

而且我唔想大肚相o係冇咩背景既studio影,, 佢地會比到好多其他意見你,,

所以如果你地結婚 or 影大肚相,, 可以考慮下佢地嫁!!

佢地既網址係: http://www.visionwedding.com.hk

果朝一早就出發去佢地係旺角既stuido先,, 先化妝set頭,,

然後去billy (攝影師) 幫我地揀既拍攝地點 - 山頂公園...

以下都係化妝師幫我地留低既花絮!

D風好唔聽話... 吹到D氣球纏住哂...

影左大半晝.... 下午我地就返studio影喇,,

我地帶左好多套衫同道具去,, 煩到呢....哈哈!!!

當然唔少得我最中意既米奇造型!!
CONGO套衫我襯左好耐先襯到嫁.....

睇D花絮照都覺得好好!! 好期待出到黎既效果呀!!

瑣事:

已經8個月,, 黎到咁後期,,

所以我開始可以食D涼野喇!! 所以奶奶開始煲D涼既糖水比我食!!