好大獲….. 老公尋日開始發燒了….
今日沒有退,, 要請病假,,
我諗係因為最近天氣變得太勁,, 加上要照顧我同家中事務壓力多了,,
所以抵抗力差左….
食完藥就要乖乖訓覺喇!!
已經3,4日… 老公病極都未好,, 燒下又退下又燒下…
終於,, 我都被傳染了…. 係發現懷孕後呢1個月病第2次….
返工覺得好唔妥… 放工返屋企已經微燒…
買左排康鈣C返屋企沖水飲 (非常有用!!!推介!!),, 就去訓喇,,
連晚飯都唔想起身食……
仍然未病好,, 周身骨痛,, 但係我今日要返工… 都死頂返左去…
返到去咩都做唔到,, 趴左o係度成日...
同上次一樣我又係度拖… 唔想睇醫生唔想食藥….
結果我一路訓到放工,, 放工返屋企又訓…
今晚老公班兄弟們上黎拜年,, 雖然年已過,,
但係呢班朋友就算年過左幾耐都一定要同佢地慶新年派利是,, 哈哈!!!
不過今晚連淫健原來都病左… 結果佢同Congo兩個自己買粥食,,
雖然我都病… 但係我食粥食到好悶… 決定同大家一齊食pizza哈哈!!
順便慶祝埋阿輝同神經既生日!!
CONGO連口罩都未除, 哈哈!!
CONGO連口罩都未除, 哈哈!!
聽日星期日唔駛返工,, 不過因為有幾個病人既關係,,
凌晨一點左右就散場了,, 比著係平時,, 仲唔係要一齊飲早茶??哈哈!!
雖然攪左一晚覺得好累,, 但係同呢班朋友一齊真係好開心!!
我因為老公班兄弟而認識佢地既女朋友,, 本來以為都係做下點頭朋友,,
我因為老公班兄弟而認識佢地既女朋友,, 本來以為都係做下點頭朋友,,
結果原來個個都肯交個心出黎,, 真係好難得!!
唔知係咪癲完一晚,, 我起身之後竟然覺得個病好左好多,, 個人精神左!!
Congo都退左燒!! 只係有D攰姐!!
真係感恩今次可以唔駛睇醫生就可以痊癒,,
不過呢幾日我飲左好多好多熱檸檬水同埋康鈣C,, 呢兩樣野真係對身體非常好!!
但記得熱檸水千萬唔好加糖!! 先係最健康同最有益!!
不過我老公佢切檸檬就麻麻地,, 哈哈!!
佢聲稱係把刀有問題......
難怪人人都話懷孕頭3個月係最難過….
我已經冇嘔,, 但都覺得好難過….
每一日每一餐都係食少少就覺得好飽好頂,, 但係又極快肚餓….
5點鐘放工果餐下午茶餓到一定要食….
但係一食完夜晚果餐正餐就冇胃口食… 但有益既野又唔敢唔食…
晚晚都飽到訓覺都訓得唔舒服,, 個胃又好漲,, 但係又嘔唔出…..
呢D日子幾時先完呀………….
而家LUNCH好多時都係食呢D河粉呀, 粥呀.... 完全有胃口食其他.....
不過我都係好堅持飲熱檸水嫁哈哈!!
今日係第2次產檢。
今次終於好清楚照到BB喇!!
仲未成哂形,, 所以仲有條尾仔拖住....
醫生話太約有1.8 cm,, 大約8周2既size,, 都仲係細左D,
不過唔緊要, 之後好易追既!! 其他都一切正常!!
今次可以肯定預產期喇!!
定左係10月2日,, 不過前2個星期或後2個星期都叫足月!!
醫生話今次心跳好清楚呀,, 但係我自己又唔識睇,,
大概有D野係「果舊」類似BB的物體中間閃閃下啦,,
雖然我睇唔明,, 不過都信醫生啦,, 希望BB你乖乖地,, 繼續順利長大!!
