week 32 - 33 : 臍帶鬆左喇!! + 探BB + 影大肚寫真!

2014年8月7日 (四) – week 32 (懷孕第224天)

「新丁」8個月喇!!!

丫, 我要講下點解B仔叫「新丁」…

本身呢我同我個朋友話不如叫「一丁」,, 因為係第 ”一” 個男 ”丁”…

講下講下就變左「新丁」,, 老公話幾得意!!

因為佢係“新”黎到呢個世界嘅男“丁”,,,
而且我希望佢無論將來遇到咩人咩事,,,

都會同卡通新丁一樣有樂天善良嘅心態面對,,
最重要係卡通新丁同老公一樣,, 有咩事都好,, 總有一大班朋友兄弟撐住,,相信我地嘅「新丁」都會同老公一樣甘多朋友姐!!
不過最緊要唔好似卡通新丁咁痴脷筋同埋成日都流鼻涕啦,, 哈哈!!

我地呢個年代都係睇「忍者亂太郎」長大,, 講起都想睇返!!

好,, 廢話講完,, 入返正題!!
今日係book左去私家睇BB,,

對上果次睇就係發現「臍帶纏頸」果次,,
所以今次去其實都幾緊張...

不過係好消息!! 醫生話BB好叻,, 自己轉返出黎喇,,

完全冇再被臍帶纏住!!

即刻放心哂!!! 真係好叻仔呀新丁!!!

身形同體重方面呢…

個頭仍然係比預期大左2個weeks… 個肚又大左1個week…

而家32周人仔,, 已經係34周既身形…

重2.1kg…醫生話2.2kg已經叫加大碼…

姐係佢已經係屬於大碼B既最盡……

真係唔知好嬲定好笑…我食幾多佢就拎幾多……

唯有我食少D啦……

2014年8月8日 (五) – week 32 + 1 days (懷孕第225天)

今日係媽咪一星期大假既最後一日,,

我地3姐弟都夾好哂一齊放假陪佢!!

我地應承過媽咪年年都要陪佢去旅行,, 不過今年我大肚,, 所以去唔成…

最後就陪佢去左尖沙咀食tea buffet!!

呢間都幾好食喎!! 又抵,, 百幾蚊食到飽哂!!

之後同媽咪係尖沙咀行左一陣,, 雖然冇咩目的,,
不過可以陪下佢我地已經好開心!!

我地3個不嬲都好鍚媽咪,, 因為媽咪又要返工又要顧屋企真係好辛苦,,
加上自己有左BB之後就更加感受到「母愛」既偉大,,
所以更加希望可以做多少少令媽咪更加開心!!

2014年8月10日 (日) – week 32 + 3 days (懷孕第227天)

好耐好耐冇去聽講座lu,, 聽埋都應該已經8899,,

今次係「雅培」攪既,, 一D都唔悶,, 幾個講者都好風趣,,

每一次老公都好落力抄 notes...

聽完拎到既贈品都叫好有用!! 係D產婦用M巾,,

咁我可以買少D喇!!

今日順便影大肚相,,

我既「肚紋」自新丁極速長大之後就開始一發不可收拾.....

2014年8月16日 (六) – week 33 + 2 days (懷孕第233天)

今日係第2堂,, 都係最後一堂既「產前運動班」,,

上次老公返左大陸冇黎,, 今次終於都係老公陪我去喇!!

呢句野有語病.. 咩叫「一位丈夫」...?!
難道可以有兩三位丈夫陪同嗎....

 不過大半堂老公都係坐埋側邊聽,, 最後先學做點幫老婆按摩!!

好多準mama一齊學!!

下晝我地去左探中學同學既BB仔,, 佢已經八個幾月喇,,
肥嘟嘟,, 好可愛!!

遲D新丁出世就有哥哥陪佢玩喇!!

我最羨慕佢地可以寵物同BB一齊相處…

好多研究 (同埋我自己都深信) 有養寵物既屋企係可以培養到小朋友既責任感,,
同埋更痴家!!

雖然有隻天竺鼠,, 但其實我自己都好想養貓狗,, 不過唔係咁多老人家可以接受到…

晚上我地要出席另一位朋友既新店開張,,

呼今日好忙呢…早午晚都有約哈哈!!

JOEY係尖咀開左間整指甲同睫毛既店,,

大家有興趣都可以幫襯下!!

 2014年8月17日 (日) – week 33 + 3 days (懷孕第234天)

今日係影大肚相既日子,, 人生第一次懷孕..

一定要留個倩影既,, 哈哈!!

我地決定搵返婚禮果陣果team攝影 - vision wedding production,, 

因為婚禮當日佢地都影得D相好好!

有信心既保證,, 自然放心好多!!

而且我唔想大肚相o係冇咩背景既studio影,, 佢地會比到好多其他意見你,,

所以如果你地結婚 or 影大肚相,, 可以考慮下佢地嫁!!

佢地既網址係: http://www.visionwedding.com.hk

果朝一早就出發去佢地係旺角既stuido先,, 先化妝set頭,,

然後去billy (攝影師) 幫我地揀既拍攝地點 - 山頂公園...

以下都係化妝師幫我地留低既花絮!

D風好唔聽話... 吹到D氣球纏住哂...

影左大半晝.... 下午我地就返studio影喇,,

我地帶左好多套衫同道具去,, 煩到呢....哈哈!!!

當然唔少得我最中意既米奇造型!!
CONGO套衫我襯左好耐先襯到嫁.....

睇D花絮照都覺得好好!! 好期待出到黎既效果呀!!

瑣事:

已經8個月,, 黎到咁後期,,

所以我開始可以食D涼野喇!! 所以奶奶開始煲D涼既糖水比我食!!

week 29 - 31: QE例檢 + 抽血+ 神經求婚喇!!

先放今次既大肚相。

2014年7月23日 (三) – week 29 days + 6 days (懷孕第209天)

今日要去QE做產檢,, 姐係例檢啦。

\

呢度就係我每次黎既L座,, 係專for醫管局既人同公務員黎睇既。

又係先磅重量血壓,, 再摸下肚聽下心跳就OK…

我帶左上個星期私家照既超聲波片黎比醫生睇,,,

醫生話BB個頭就唔係大得太離譜,, 不過個肚圍就超左標喇…

聽完私家同政府醫生講… 總知姐係肚又大,, 頭又大既肥仔B啦…..
好驚好難生.,....

聽日要再黎多QE一次,, 就係上個星期私家幫我寫信轉介信黎驗血糖…

因為要抽血,, 所以我今晚11點後就唔敢食野lu….

2014年7月24日 (四) – week 30 (懷孕第210天)

老公一早就陪我去QE驗血糖。

去到原來老公唔可以坐我隔離…. 要o係出面等….

我自己入去抽… 入面仲有好多其他大肚婆….

先空肚抽第一次血… 之後要飲一碗超超超超超甜「糖水」!!

之前請教過其他準媽媽,, 話如果飲得太快好易嘔返哂出黎…咁就前功盡廢…
我飲得好慢好慢….. 幾乎全場最慢….. 因為真係好難飲….

空肚咁耐再飲碗咁既野… 真係會好反胃好想嘔……

飲完之後,, 要等2個中先可以抽第2次血,,,

我即刻出去搵老公… 2個呆坐左2粒中… 再入返房抽血…

抽完就走得!! 獲派一包奶同餅醫肚....如果係出事既話,, 聽日就會收到醫院電話喇…..

不過我都打定輸數嫁喇…..

下午我要返工… 產檢從來都只係可以拎半日假…

不過呢2日老公同我去產檢就拎左全日假,,

所以佢都送我返工,, 接我收工,, 一步出公司有人接真係好窩心!!哈哈

2014年7月25日 (五) – week 30 days + 1 days (懷孕第211天)

提心吊膽左一日…..

竟然…收唔到電話!!! 好開心呀!!!!

其實好意外… 因為都已經打定輸數….

而且認識很多大肚媽媽都中左招… 又要見營養師又要戒口….
已經一心諗住自己都要….

不過雖然冇電話… 但都係自己乖乖戒口啦… BB再咁肥落去我都好難生….

2014年8月1日 (五) – week 31 days + 1 days (懷孕第218天)

收到鄉下打黎的電話…. CONGO的爺爺病重…

聽日要全家回鄉,, 因為我大肚… 所以我返唔到去…

其實老公都係返去一日……

不過可能係我太痴身… 定係大肚D情緒太難控制？！

我唔捨得到喊左一晚.... 哈哈哈……

2014年8月2日 (六) – week 31 days + 2 days (懷孕第219天)

今日要去QE既「產前運動班」,, 

由於老公返左大陸… 所以今日叫左細妹陪我去…

大約係講做D咩運動可以舒緩到孕期既身體不適..

 

我極度專心上堂, 哈哈!!

今晚呢,, 係CONGO個好兄弟既大日子,, 哈哈!!

神經要求婚喇!!!

因為CONGO同神經真係好好兄弟 (神經係我地婚禮仲係伴郎呢!)
所以呢個求婚party其實CONGO都落心落力參與好多….

可惜…. 最後因為要趕返大陸出席唔到…..

CONGO臨出發前已經交代其他兄弟接手佢既野,,
我呢… 就臨危受命幫我老公做遊戲既司儀….

今晚既主題係「懷舊派對」…(神經求婚都要主題…)
所以大家都著到7,80年代,,,

Anyway今次求婚好成功!!! 大家仲替CONGO好照顧我.!!

恭喜哂2位!!!

唯一既遺憾都係CONGO無法參與識左十幾年既兄弟既求婚P….

期待你2個既婚禮呀!!!

2014年8月6日 (三) – week 31 days + 6 days (懷孕第223天)

又係每2個星期一次QE既例行檢查。

不過今日媽咪放大假,, 所以今次叫老公唔洗拎假,, 媽咪陪我去就得喇!!

摸完肚聽完心跳…問返上次驗血糖既結果,, 原來我指數得4.X… 好似要7定8先叫超標…

仲有一段距離….放心哂!!!

不過我2個星期入面重左差不多2公斤咁多…

其實我有左咁耐都算叫肥B唔肥媽….

所以….睇呢個進度…. 估計阿B都係keep住超重喇……

不過都唔駛估估下,, 因為聽日又要去私家照BB喇!!

瑣事1:

搬左返黎之後屋企細細,, 放唔到咁多電腦枱,,

加上我成日都痴住張床...極懶....
所以淘寶左呢張野返黎... 岩哂我呢d懶人,, 哈哈!!

瑣事2 : 

純粹po下我家隻得意肥獅...

好鬼中意拖長自己個身....