WEEK 5 - 生病的新年。

2014年2月1日 (六) – week 5 + 2 days (懷孕第37天)

大年初二。

呢個新年唔知攪咩,, 熱到好似夏天咁….

今日要去老公另一個親戚度拜年。

見天氣咁好, 又曬,, 所以就著少左衫….

仲懶醒咁同老公講：「大肚婆體溫高,, 熱過人, 冇咁易病嫁!!」

點知…. 一到夜晚一翻風…. 就出事了………….

作感冒既感覺開始黎… 我係果D一作病就真係會病到五顏六色既人,,

從來冇話可以初起既時候可以止得住…

但係都好希望今次有例外,, 所以我返到屋企即刻沖個超熱既熱水涼就即刻訓,,

希望聽日有奇蹟會好返!!

上網睇話 (冇錯,, 又係上網睇…冇計啦, 新手媽媽, 咩都唔識….) 懷孕的4至6個星期最好唔好食藥喎…..

不過其實我諗呢40個星期最好都唔好啦….. 雖然話醫生會開D大肚先食得既藥黎比你食…..

不過藥始終係藥,, 食完又會殘留在身體入面…..食左點都唔係太安樂既….

可免則免!!

2014年2月2日 (日) – week 5 + 3 days (懷孕第38天)

2014年2月3日 (一) – week 5 + 4 days (懷孕第39天)

病情沒有好轉,, 已經變成感冒了。

由得鼻涕變成有痰…好難頂。

2月2日係年初三,, 雖然係赤口, 不過我都比朋友仔黎拜年,, 年輕人冇所謂啦!!

Cindy,, Kago, Mo同尤魚都係岩岩o係外國返黎冇耐,,

Cindy同Kago仲要好快返返澳洲,, 所以就算病都一定要見下佢地聚一聚!!

我主動提出食上海野,, 因為我咩都唔食得….

又唔可以同朋友講我已經有左BB…..

魚生又唔得,, pizza又熱氣, 大排檔又怕污糟….

不過食上海野其實都麻麻…因為好油…..

而家呢間「上海婆婆」真係好難食!!! 又少!!! 貴夾唔抵!!

食埋呢一次我就bad list左佢!!!!

第2日係年初四,, 老爺生日!!
仲未好返…. 少少好轉都冇…..

但係我仲係堅持唔肯去睇醫生…..

下晝chattie同鬼上黎拜年,, 我咁岩o係度燉緊「雪梨雪耳燉紅棗」自己飲…

諗住可以清熱潤喉潤肺,, 睇下對個病會唔會有幫助…..

就係因為盅野入面有十粒八粒紅棗,, chattie事後就同我講佢果日已經估到我有BB, 哈哈哈!!!

不過都仲有另一個原因既,, 就係佢地走既時候我地都出發去同老爺做生日,,

我揀左對高踭鞋… 就比Congo好緊張地話我….

劉生你都未免做得太明顯喇掛………..

老爺既生日年年如是,, 都係叫埋D親戚朋友,, 當然仲有我爸爸媽咪啦,,

一齊去酒樓包間房,, 打幾圈再食飯,, 我依然都係唔敢食海鮮同魚翅…….

(大炮係老爺個花名哈哈!!)

餐飯完左之後,, 我地忍唔住偷偷同左老公家姐講懷孕呢個消息!!

家姐開心到呢!!! 佢個樣我而家都仲記得哈哈哈!!

當晚我地o係度諗,, 連家姐都咁開心,, 唔知老爺奶奶會開心到咩地步呢???