2014年5月15日 星期四

WEEK 7 - 第一次照超聲波


2014213 () – week 7 (懷孕第49)

近呢兩日開始有反胃頂胃既感覺,,
好快肚餓, 但係食少少已經覺得個胃好唔舒服

今日book睇私家,, 係知道懷孕以來第一次照超聲波,, 心情有D緊張!!
放左工先去,, 去到都等左幾耐
本來諗住等埋老公既, 但佢未到姑娘已經叫我入去喇,, 咁算啦,,,
入到去照,, 醫生揸D啫喱係我個肚度,, 就開始用舊野碌下碌下,,
碌左一陣,醫生發出:「咦?!」一聲……
再一陣……佢又講左句:「再搵清楚D先!」
我即刻好慌!! 因為我上「親子王國」都睇過好多post,,
D媽媽會好不幸咁懷住冇心跳既胎囊,, 空心胎,, 或有左幾個星期就冇左心跳等等……
D嚇到我喊出黎…..
醫生再同我講:「不如你而家先去左廁所先,可以因為你個膀胱有尿頂住左個子宮,, 所以照得唔係幾清楚。」

去完廁所返黎,, 醫生終於都照到!!!


呢個就係我個胎喇!! 胎的中間見到有微微的是一點,, BB的心跳,,
不過醫生話只有六周大size…
姐係比實際少左一周左右,, 但因為係懷孕初期,, 醫生話係正常的!!
雖然我好擔心,, 不過都相信醫生啦!!
因為size較細,, 所以預產期只暫定在102,, 下一次黎睇可能會改
希望BB以後會長大得快D!!
望住呢粒好似花生咁既野,, 真係想像唔到佢將會變成一個BB

2014214 () – week 7 + 1 days (懷孕第50)

今日係唔知幾多年先遇到一次既元宵節撞情人節,,
不過我地都冇出街慶祝,, 我地好乖咁返左老爺奶奶度做節,,
再加上聽日就到左考普通話既死期…. 食完飯都要拿拿林返屋企溫書


雖然唔慶祝,, 但仍然收到老公的小小驚喜禮物仔!!

2014215 () – week 7 + 2 days (懷孕第51)

話咁快黎到考普通話基準試呢一日…. 都唔知自己溫左咩就黎左….
不過未發現有之前勤力過一排,, 叫做有少少底,, 就去搏下啦
因為BB的心情都會受媽媽影響,, 為左BB我盡量叫自己唔好太緊張
今日要考普通話既聆聽同拼音,, 結果考完出黎好難!!…哈哈哈!!



身體狀況方面,仍然都係好易肚餓…. 又好易頂胃
有時會突然之間好想食碗仔翅, 魚蛋, 鮮橙汁D…

但係呢D野係我未有BB之前唔會食,, 但係我又唔覺得呢D係口味轉,,,
因為我只係有時突然想食下唔係愛上左食, 日日唔食唔得果D!!

希望呢個時期會快D, 因為呢D野真係食多都冇益……

2014年5月2日 星期五

一件感動的小事。

201426 () – week 6 (懷孕第42)


已經來到第6周, 醫生度配既藥, 

我食左一日就冇食喇,, 因為我見食左一日就好得8899..
所以就唔食, 免得就免啦!!

2014210 () – week 6 + 4 days (懷孕第46)

因為已經連醫院都排埋期,, 我地覺得都係時候要通知D老人家,,
所以早2日都分別親口通知左老爺奶奶同我既爸爸媽媽,,
兩位爸爸都分別用一個好內歛既表情話比我地知佢地係好開心
兩位媽媽都係開心都出哂面咁大笑出黎
真係難怪佢地打從認識以來就咁friend,, D性格似到呢……….

講返身體既狀況
持續都係好眼訓好似訓極都唔夠咁,,
仲要一訓落去就昏迷一樣…. 完全提唔起精神做所有野….

CONGO亦照顧得我非常好,, 家頭細務幫輕左好多,,
最近開始主動掉換朝早起身返工既時間 (不嬲都係我起身先,, 攪掂先叫佢)…
等我可以訓耐少少,, 對住佢呢隻豬黎講訓少兩三個字真係攞佢命, 哈哈!!
又陪我提早出門口,, 等我可以行慢D (我地2個不嬲日日都幾乎要跑返工)…

不過有一樣野老公幫我唔到…..
就係我仲有幾日就要考普通話試
但係我呢排既精神實在太差完全提唔起勁溫書今次真係等死….
對住呢堆野真係頭痛....

2014211 () – week 6 + 5 days (懷孕第47)

其實除左胸會漲痛,, 經常keep住好似就黎M既感覺之外
都冇其他特別不適的感覺喇,,
呢個時候我仲諗緊,, 到底我係唔會孕吐咁好彩丫定係未黎料呢??...
不過而家習慣左日日放工都要tea,, 以前唔會嫁,,
而家都係想食埋d垃圾,, 好似魚蛋.. 燒賣 碗仔翅D…

今晚我地冇痴老爺奶奶,, 2公婆出去食,, 因為我突然之間想食譚仔!!
不嬲都食開清湯既我今晚又無啦啦想叫酸辣….
結果我食完個胃唔舒服左成晚,, 乸住乸住,, 好辛苦…. 以後都係唔叫
食辣對孕婦都不太好….

今晚老公做了一件小事但令我覺得好感動,,
我要記低呢一件小事,, 因為我想將來仔仔/囡囡都知道爸爸真係好錫媽咪。

呢晚好凍,, 天文台話只有7,, 真係理解唔到而家既天氣
老公晚上要出去倒垃圾,, 我見佢拎起件羽絨,, 以為佢係怕凍要著起先出去,,
但係佢行近將羽絨披在我身上先去開門,, 話因為怕開門扯風會凍親我….
然後佢極速開門出去再關上門,, 就只係掉一掉垃圾呢1分鐘,, 佢都會為我身體著想左先
隔住度大門聽到老公既咳聲 (佢冬天氣管會變很差)… 真係好感動!!
或者呢個只係一個好普通,, 好簡單既動作,, 但係我覺得,,
只要係當時佢擔心左你既身體多於佢自己,, 先會咁樣做
所以….

如果BB你係仔仔的話,我希望你都會好似你爸爸一樣咁細心對你將來既老婆;
如果BB你係囡囡的話,我希望你會搵到一個好似你爸爸一樣咁好既另一半,永遠將你放係第一位