近呢兩日開始有反胃同頂胃既感覺,,
好快肚餓, 但係食少少已經覺得個胃好唔舒服喇…
今日book左睇私家,, 係知道懷孕以來第一次照超聲波,, 心情有D緊張!!
放左工先去,, 去到都等左幾耐…
本來諗住等埋老公既, 但佢未到姑娘已經叫我入去喇,, 咁算啦,,,
入到去照,, 醫生揸D啫喱係我個肚度,, 就開始用舊野碌下碌下,,
碌左一陣，醫生發出：「咦？！」一聲……
再一陣……佢又講左句：「再搵清楚Ｄ先！」
我即刻好慌!! 因為我上「親子王國」都睇過好多post,,
有D媽媽會好不幸咁懷住冇心跳既胎囊呀,, 空心胎呀,, 或有左幾個星期就冇左心跳等等……
差D嚇到我喊出黎…..
醫生再同我講：「不如你而家先去左廁所先，可以因為你個膀胱有尿頂住左個子宮,, 所以照得唔係幾清楚。」
去完廁所返黎,, 醫生終於都照到喇!!!
呢個就係我個胎喇!! 胎的中間見到有微微的是一點,, 係BB的心跳,,
不過醫生話只有六周大的size…
姐係比實際少左一周左右,, 但因為係懷孕初期,, 醫生話係正常的!!
雖然我好擔心,, 不過都相信醫生啦!!
因為size較細,, 所以預產期只暫定在10月2日,, 下一次黎睇可能會改…
希望BB以後會長大得快D!!
望住呢粒好似花生咁既野,, 真係想像唔到佢將會變成一個BB…
今日係唔知幾多年先遇到一次既元宵節撞情人節,,
不過我地都冇出街慶祝,, 我地好乖咁返左老爺奶奶度做節,,
再加上聽日就到左考普通話既死期…. 食完飯都要拿拿林返屋企溫書…
雖然唔慶祝,, 但仍然收到老公的小小驚喜禮物仔!!
話咁快黎到考普通話基準試呢一日…. 都唔知自己溫左咩就黎左….
不過未發現有之前勤力過一排,, 叫做有少少底,, 就去搏下啦…
因為BB的心情都會受媽媽影響,, 為左BB我盡量叫自己唔好太緊張…
今日要考普通話既聆聽同拼音,, 結果考完出黎…好難!!…哈哈哈!!
身體狀況方面，仍然都係好易肚餓…. 但又好易頂胃…
有時會突然之間好想食碗仔翅呀, 魚蛋呀, 鮮橙汁呢D…
但係呢D野係我未有BB之前唔會食的,, 但係我又唔覺得呢D係口味轉,,,
因為我只係有時突然想食下… 唔係愛上左食, 日日唔食唔得果D!!
希望呢個時期會快D過, 因為呢D野真係食多都冇益……
沒有留言:
張貼留言