week 10 - 11: 我的偉大媽媽 + QE抽血 + 大肚相 + 去左迪士尼!!

2014年3月9日 (日) – week 10 + 3 days (懷孕第73天)

上一篇講到老公整壽司我食....

可能食壽司既時間太散,, 食下又停下… 半夜竟然餓醒左…

但係又搵唔到野食….. 好辛苦咁等訓著….

第2日又再餓醒…. 極懶既我即刻叫醒CONGO整早餐…

佢唔小心整左隻心形蛋,, 令佢好自豪....

正!!

(不過都要重申加工野係唔可以食咁多...)

呢個人幾無聊丫....

本來打算訓住等食.... 但同一時間,,我收到媽咪既電話,, 唯有爬起身….

原來媽咪買左一袋蘋果(成十幾個…),, 專登踩單車送到黎我屋企樓下….

叫我落去拎…..話有左食多D生果好呀!!

但係其實我明明今晚都會返去媽媽度食飯,, 可以到時先拎走…

但係媽咪話怕太重,, 所以佢送過黎….

真係個傻媽…. 落去拎一拎,, 叫佢上黎坐下啦,, 佢話要趕返去煲湯比我地今晚飲….

望住袋蘋果,, 我D眼淚不自覺咁不停流….

有呢個媽媽我真係太太太幸運,, 我相信將來我做左媽媽,, 或者都做唔到咁偉大….

上天對我真係好好。

2014年3月11日 (二) – week 10 + 5 days (懷孕第75天)

第一次去QE做產檢。

 原來只係去抽血。

一抽就抽左我五支… 用黎驗梅毒, 乙肝, 愛滋等等。
如果有BAD NEWS,, 2個星期內就會收到電話,, 如果冇電話,, 就安全!!

抽完等見姑娘,, 其間睇下關於之後返黎做檢查的資料。姑娘講解我之後既日子產檢同生BB既事項,,

講解好詳細,, 姑娘亦都好好人。

不過公立醫院冇得照次次都照超聲波,, 有需要只好自己去私家照。

2014年3月14日 (五) – week 11 + 1 days (懷孕第78天)

今日係白色情人節,, 同CONGO出街食飯當小小的慶祝,,

呢個衰公竟然叫了杯芒果冰引誘我…..

佢個衰樣真係令我想打佢.....

我果個寡到呢.........

2014年3月15日 (六) – week 11 + 2 days (懷孕第79天)

仍然係肚腩大過胎.....

手上拎住既,, 係QE比我既小冊子,, 關於鼓勵餵母乳的,,
不過我一早都有呢個打算,, BB健康D, 我又瘦得快D (希望),, 哈哈!!

2014年3月16日 (日) – week 11 + 3 days (懷孕第80天)

期待已久的迪士尼慶祝生日活動!!

係慶祝我地2個3月壽星!!

雖然未夠3個月,, 但我都決定同呢2個人生中好重要既朋友報喜!!

同佢地講我有左喇!! 佢地都好為我開心!!
阿B so lucky,, 未出世就可以去迪士尼!!

大佬很好,, 全程幫我拎袋又扶實我,,

尤魚都很好,, 為左我犧牲哂所有佢極想玩既機動遊戲,, 哈哈!!

唐老鴨跳左隻生日舞送比我地,, 好可愛!!

可能不再年青,, 以前玩到睇埋煙花既我地5點9就話要走… 太累….

下一場的慶祝活動,, 大佬請我地去尖沙咀食buffet,,

眼見有好多凍海鮮,, 但又唔食得,, 真難受。

我食既.... 同佢地食既....

不過…. 我都有偷食到……少少雪糕。
每個味食左一啖咁多姐!! 已經好乖嫁喇!!

2014年3月18日 (二) – week 11 + 5 days (懷孕第82天)

懷孕後我多左食士多啤梨,, 因為好有益,, 而且我一定要買韓國的,, 係最甜最好食。
仲有奶奶燉比我的花膠圓肉,, 花膠長胎,, 希望BB可以追返D進度!! (比預期細左一周)

自從有左之後我就開始食惠氏既Materna (多種維他命) 同DHA,, 幫助補葉酸補腦。

WEEK 9 - 10: 大肚相 + 老公整壽司?!

2014年3月1日 (二) – week 9 + 2 days (懷孕第65天)

呢一期既大肚照。

開始記錄肚子變大的情況。

2014年3月4日 (二) – week 9 + 5 days (懷孕第68天)

明天就要考普通話既基準口試,, 為左爭取時間留家溫書,,

放工就同老公去商場食就算…因為又係食左tea既關係,, 冇咩胃口,,

所以想食河粉….

結果揀左「越棧」... 不過可能太濃味,, 食完返到屋企仲有D肚痾….

懷孕期間食野真係要小心D,, 腸胃特別敏感。

2014年3月5日 (三) – week 9 + 6 days (懷孕第69天)

今日放左工就要去考普通話口試喇!!!

好彩只係口試… 都係靠平時講得多,,,

好彩聆聽同拼音一個月前已經考左,,
如果以而家呢個身體狀況去考真係死得……

成個過程都好緊張,, 但都不停同自己講要冷靜,, 唔想影響到BB,,

所以都係…. 打定輸數先哈哈!!!

2014年3月6日 (四) – week 10 (懷孕第70天)

懷孕後另一件我覺得幾緊要既事 – 登記所有的「媽媽會」。

咩「惠氏媽媽會」、「美素佳兒媽媽會」、「安滿媽媽會」、「雀巢媽媽會」呀…

全部都係上網登記,, 其實都係上「Baby kingdom」既媽媽們教既,,

登記呢D媽媽會全部都係免費,, 而且會有入會禮物會寄黎屋企,,

有書,, 奶粉等等。

最緊要定期會有懷孕講座可以參加 (不過要抽籤)….

咁起碼可以學多D, 知多D!! 唔駛盲中中!

對我呢D新手媽媽好有幫助!!

2014年3月8日 (六) – week 10 + 2 days (懷孕第72天)

自從我有左之後,, 老公開始多左煮早餐,, 唔駛我煩…

我要的小幸小福,, 其實都只不過係一份煎蛋腸早餐。

 (不過大肚婆其實最好唔好食咁多腸仔,, 加工野冇咩益。)

仲有... 打從有左之後, 我最中意食既壽司變左「違禁品」…

因為完全唔會去食日本野,, 加上我又會心思思想食魚生….

但係真係好難忍,,,,,

結果CONGO決定自己整比我食!!

所以我地下晝就去左買材料喇,,

我都已經好多年冇食過住家壽司喇!! 攪左大半日,, 出黎既效果都ok啦!!

預備好材料。

將飯同材料放上紫菜。

加埋我最愛既沙律醬。

包好, 完成!

好睇又好食!!

而且最重要係老公果份心意!! 所以係100分咁好味!

老公仲試整埋「涼拌青瓜」,, 都係我好中意食既野!!

雖然係凍既同辣既…. 大肚婆食得多就唔太好,, 不過食少少唔怕啦!!

有時我覺得如果2公婆諗唔到有咩地方好去, o係屋企整下野食都係一個幾好既活動丫!!

去買材料既期間我地行經書店,, 順便仲買左幾本懷孕書,, 

同埋.... 買左雪糕哈哈!!

獲老公批准我分得一小格......

影埋個大肚相先去訓。

其實我覺得似係肚腩多個胎.....