呢一期既大肚照。
開始記錄肚子變大的情況。
明天就要考普通話既基準口試,, 為左爭取時間留家溫書,,
放工就同老公去商場食就算…因為又係食左tea既關係,, 冇咩胃口,,
所以想食河粉….
結果揀左「越棧」... 不過可能太濃味,, 食完返到屋企仲有D肚痾….
懷孕期間食野真係要小心D,, 腸胃特別敏感。
今日放左工就要去考普通話口試喇!!!
好彩只係口試… 都係靠平時講得多,,,
好彩聆聽同拼音一個月前已經考左,,
如果以而家呢個身體狀況去考真係死得……
如果以而家呢個身體狀況去考真係死得……
成個過程都好緊張,, 但都不停同自己講要冷靜,, 唔想影響到BB,,
所以都係…. 打定輸數先哈哈!!!
懷孕後另一件我覺得幾緊要既事
– 登記所有的「媽媽會」。
咩「惠氏媽媽會」、「美素佳兒媽媽會」、「安滿媽媽會」、「雀巢媽媽會」呀…
全部都係上網登記,, 其實都係上「Baby kingdom」既媽媽們教既,,
登記呢D媽媽會全部都係免費,, 而且會有入會禮物會寄黎屋企,,
有書,, 奶粉等等。
最緊要定期會有懷孕講座可以參加 (不過要抽籤)….
咁起碼可以學多D, 知多D!! 唔駛盲中中!
對我呢D新手媽媽好有幫助!!
自從我有左之後,, 老公開始多左煮早餐,, 唔駛我煩…
.jpg)
我要的小幸小福,, 其實都只不過係一份煎蛋腸早餐。
(不過大肚婆其實最好唔好食咁多腸仔,, 加工野冇咩益。)
仲有... 打從有左之後, 我最中意食既壽司變左「違禁品」…
因為完全唔會去食日本野,, 加上我又會心思思想食魚生….
但係真係好難忍,,,,,
結果CONGO決定自己整比我食!!
所以我地下晝就去左買材料喇,,
我都已經好多年冇食過住家壽司喇!! 攪左大半日,, 出黎既效果都ok啦!!
預備好材料。
將飯同材料放上紫菜。
加埋我最愛既沙律醬。
包好, 完成!
好睇又好食!!
而且最重要係老公果份心意!! 所以係100分咁好味!
老公仲試整埋「涼拌青瓜」,, 都係我好中意食既野!!
雖然係凍既同辣既…. 大肚婆食得多就唔太好,, 不過食少少唔怕啦!!
有時我覺得如果2公婆諗唔到有咩地方好去, o係屋企整下野食都係一個幾好既活動丫!!
去買材料既期間我地行經書店,, 順便仲買左幾本懷孕書,,
同埋.... 買左雪糕哈哈!!
獲老公批准我分得一小格......
影埋個大肚相先去訓。
其實我覺得似係肚腩多個胎.....
沒有留言:
張貼留言