難得的好天。
又係搵地方散心既時候….
又係搵地方散心既時候….
今日我地去長洲!! 離島呢D地方都係襯而家快D去…
怕第時肚再大坐船會好辛苦….
好似好耐都冇黎過lu....
上一次同老公黎,, 已經係2010年既事,, 果陣都係拍緊拖ja,,,
上: 2010
下: 2014
4年過去,, 仲係大細路2個,, 仲話要做人父母,, 哈哈!!
不過咁都幾好丫,, 做人都係輕鬆D日子先容易過!!
上: 2010 - 只有"A"GNES 同 "C"ONGO
下: 2014 - 4年後,, 我地多左中間個"B", 哈哈!!
仲有幾日就太平清醮,, 今日係我人生第一次見到包山呀!!
呢個係假既...
聽講以下既野係入黎長洲一定要食....
身體方面,, 睇黎已經進入左懷孕的「蜜月期」,, 身體再冇出現咩特別既不適,,
又再食得訓得喇!!
不過我之前冇嘔冇暈過,, 所以都唔見得話好不適既,,
我覺得同懷孕前食過中藥調理同埋食左維他命係有關!!
近幾天會展有BB展,, 今日同左奶奶,, 老公同老公家姐一齊去睇下,,
BB仲有排都未出世,, 佢地已經買定好多野比BB,,
BB真係幸福!!
母親節。
係我唯一一個同BB血脈相連既母親節。
好難形容肚入面住了一個同我血脈相連既人既奇妙感覺,,
但就係呢十個月既相處時間,, 足夠我花一生去愛佢。
但就係呢十個月既相處時間,, 足夠我花一生去愛佢。
希望將來佢長大左,, 會明白即使出面風雨幾大,,
受到咩挫折,, 爸爸媽媽永遠都會係佢身後撐住佢。
受到咩挫折,, 爸爸媽媽永遠都會係佢身後撐住佢。
今日一早呢,, 先同一直背後撐住我同CONGO既2個好媽媽飲茶先!!
不過下晝都冇咩節目,, 由而家開始最忙碌既事情就係
– PACK野!!
其實本來諗住睇下屋主可唔可以續租多兩個月,, 等我生埋先冇咁辛苦,,
不過屋主唔ok,, 而我又怕肚再大落去會不便同驚受傷,,
所以老爺奶奶擇左個吉日,, 想我地再提早一個月搬走,,
我地會搬返去同老爺奶奶住,, 都係好事,, 生BB前後都有奶奶照顧嘛!!
而且佢地一直都好錫我.,, 一齊住我相信唔會有問題!!
唔pack都唔知,, 原來真係好多野….
抽真空之後咁都咁大舊.....
真係他媽的多....
我都係pack下停下,, 都係辛苦CONGO喇….
今日係老公生日!!!
兩公婆特登拎左假去玩!! 去左海洋公園!!
因為我都諗唔到去邊喇,, 哈哈!!
而且今年仲冇買禮物比老公tim… 結左婚果然係越黎越hea…..
去海洋公園對於我黎講其實唔辛苦又唔危險…
因為我從來都唔會(唔敢)玩機動遊戲,, 都係去行下睇下魚…
所以其實幾唔抵, 哈哈!!
由於係人都去過海洋公園,, 我都無謂po太多相,, 哈哈!!
今晚我地去返我地既「老地方」食飯,, 係灣仔南洋酒店既「君好西餐廳」,,
我地黎過好幾次,, 唔係因為呢度特別好食,,
好唔好食都係你自己決定,, 因為係自己落手燒熟同調味,, 所以係「後果自負」,,
不過唔知點解幾年前老公帶完我黎就有個情意結,,
每逢慶祝日子如果諗唔到去邊都會諗起呢度。
左係老公整既,, 右係我整既,, 我覺得都唔失禮丫哈哈!!
準爸爸,, 祝你生日快樂。
明年生日就有仔仔陪你過喇,,
希望無論生活,, 身份上有咩轉變都好,,
希望無論生活,, 身份上有咩轉變都好,,
我地仍然都係繼續互相扶持,, 一步一步走向我地既將來。
而我亦會一直係你身邊陪你走過人生每一步...
LOVE U!
最後係呢期大肚相。
