2014年4月25日 (五) – week 17 + 1 days (懷孕第120天)
近呢一個月,, 我開始變得好易喊,,,
自己坐係度都無故喊出黎…. 又好容易訓唔著,, 會擔心將來好多野…
因為住屋問題,, 我係BB出世之前2個月要搬屋,,
好怕自己身體負荷唔黎,, 而老人家對大肚搬屋/拆家私亦存在好多禁忌…
雖然新一代都已經唔會咁迷信咁傳統,, 但係我都好怕搬屋既過程會整親自己整親BB…..
我覺得極度困擾…. 亦對好多事情感到失望...
雖然不至於冇地方住,, 可以搬返老爺奶奶度先,, 但係都打擾左2位老人家….
仲有好多好多引申出來既因素......
總知我好難調適到自己既心情….
所以即刻搵本書睇下自己呢排既徵狀,, 到底係出現咩問題…..
結果…. 發現自己除左上列第8同第9點之外….
其他都中左….
姐係話… 我有機會已患上產前抑鬱….
對於呢件事, 其實我係幾驚….
因為媽咪既情緒其實好影響BB,, 我亦都相信我唔開心,, BB係感受到既…
所以我要盡快令自己既心情好起黎….
其實可以做既都唔多,,
我盡量見多D我想見既朋友,,屋企人,, 同佢地傾下計,,
食多D自己中意食既野,,
同埋要忘記D令我唔開心既野...
臨訓前一路都播住D柔和既音樂….
話比自己知要勇敢D,, 唔可以諗太多,, 萬大事都要以BB為先…
其實最緊要肯傾, 肯講, 將自己既擔心同朋友, 同家人講…
其實個人已經舒服好多!!
呢段時間其實最辛苦係CONGO,, 因為佢要比平時更加take care我…
對於我無故既哭鬧,, 同埋心情低落… 其實佢都好無奈同埋好擔心..…
而佢亦都好盡力咁哄我開心,, 呢段日子真係辛苦佢!!
但係我都知道其實除左我自己之外,, 係冇人真正幫到我,,
所以我只可以為左老公,, 為左屋企人,, 為左身邊擔心我既朋友,,
努力讓自己既心情好起來,, 繼續開開心心走過我呢個懷孕旅程!!
至於果D令我唔開心既人同事,, 我要將佢地通通放低!!
沒有留言:
張貼留言