week 22 - 24 : 照結構 + 托腹帶 + 大肚相 + 瑜伽班...

2014年5月29日 (四) – week 22 (懷孕第154天)

QE產檢既日子。

今次特別緊張同興奮,, 因為今日係照結構,, 係要20周左右照,,

目的係睇清楚BB既手手腳腳同器官發育得好唔好。

唔駛等好耐,, 好快就到我。

見到好清楚BB既眼耳口鼻,, 手手腳腳,, 數齊手指腳指,,

仲有腦呀,, 心呀,, 胃呀…骨呀等等….

一切正常,, 我都安心多了!!

不過冇超聲波片可以帶走.....

今晚又係有班朋友黎慶祝生日,, 呢個月除左CONGO生日之外,, 仲有PINKY同阿肥!

佢地知道我要搬屋都義不容辭話要幫手,,

我地識到呢班兄弟姐妹真係好幸運!!

2014年5月31日 (六) – week 22 + 2 days (懷孕第156天)

現在星期六日的例行公事 – 不停地pack野…

有時我覺得,, 同老公一齊咁pack下野,, 勞碌下… 都係一種幸福…

雖然過程係好辛苦,, 但係都係一種經歷吧…

2014年6月1日 (日) – week 22 + 3 days (懷孕第157天).

Pack野同吊頸一樣... 都係要透下氣,, 哈哈!!!
今日同老公去左太古城行下街,, 其實我對呢個地方好有好感哈哈!!

可能係因為我同老公第一日拍拖就係黎呢度行街,,

所以都係有個「情意結」,, 哈哈!!

見到AEON做緊特價喎,, 順便買左D孕婦用品…

個彎彎的香蕉枕聲稱有好多用途,, 

而家用黎墊住訓覺又得,, 遲D餵BB飲奶用又得!!

買左2條托腹帶,, 人地話4個幾5個月就可以開始用嫁喇喎...

托住會冇咁辛苦,, 又唔會壓住個膀胱...

2個款都唔同

呢條就托後面多D,, 條腰冇咁累

前

後

下面呢條就主要托住個肚...

雖然用左仲熱... 不過冇辦法,, 唔用個肚真係幾重!!

2014年6月2日 (一) – week 22 + 4 days (懷孕第158天)

端午節假期…..

繼續…. 不停地pack野……

不過都有抽時間影個大肚相!!

比我地隻小寵物入下鏡啦!!

左邊張相真係好白痴....

我較好時間掣之後衝過去想一齊騎埋係個香蕉枕上面...

點知一衝埋去個肚撞到老公個patpat... 忍唔到笑....

2014年6月7日 (六) – week 23 + 2 days (懷孕第163天)

最近天氣好熱… 再加埋陀住個仔…

個身好似裝左個火爐咁…. keep住發熱… 不停流汗….

今日出去上左我人生第一次瑜伽堂,,

終於都的起心肝去報名…

我揀左PURE YOGA既孕婦瑜伽班,, 雖然貴少少,,

不過呢間出名D,, 應該有信心D!!其實係身邊既朋友鼓勵我去做下…

岩既好過成日坐o係度… 聽講做完會易生D,, 哈哈!!

第一次做… 唔係幾跟到……

2014年6月8日 (日) – week 23 + 3 days (懷孕第164天)

果然係冇做開運動既都市女人….

尋日做左果一個中瑜伽姐… 今日起身全身的筋都痛….

痛足一日….

最近起身子宮位都會痛… 唔知係咪因為壓住左既關係?!?!

2014年6月14日 (六) – week 24 + 2 days (懷孕第170天)

踏入24周,, 姐係懷孕已經半年了,, 咁就半年…真係快…

仲有可能唔夠4個月就可以見到BB喇!!

今日我地2公婆又去左產前講座,, 今次係「美贊臣」攪既,,
都幾有用,, 而且禮物都幾豐富喎!!!

懶得抄筆記,, 影低D powerpoint算,, 哈哈!!

今次有送衫仔同尿片!

上完之後... 都係返歸pack野,, 時間無多喇!!!