2014年3月28日 (五)
終於都搵到個地方打下blog,, 分享下感受...
其實一路都好想打下野, 不過自從xanga同yahoo blog相繼被淘汰之後,
都唔知去邊打好…
Facebook的notes我覺得又唔係咁好用….打o係status又覺得三兩 句好難表達…
最後決定用blogspot, 其實感覺都麻麻地, 不過都試下啦….
真係懷念以前有hkflash同xanga的年代,,
果陣就算做唔完功課都一定要打篇blog先捨得訓哈哈!!!
呢個blog其實都主要係想分享下懷孕大小事,, 同d生活事啦,
一路打, 一路save低, 一黎想記得有左之後既生活,
二黎希望第時比個仔/女睇到, 媽咪有左佢之後既辛酸史,
會錫我多d啦,, 哈哈!!
終於有左三個月!! 可以放心同人分享!
呢3個月都幾難過, 成日都有口難言, 又好開心, 但係又唔講得….
見到好朋友都要忍住忍住….
不過其實我o係2個半月左右, 已經陸續同好多好朋友公布,
大家都好為我高興, 有d仲喊左出黎, 攪到我都好感動!!
而家可以慢慢組織一下呢3個月發生左咩事喇….
不過都講下少少懷孕前既感言先!!
我同Congo係2012年的9月25日 結婚,,
一黎我地結婚果陣大家都係25歲, 心態上仲未ready做人父母, 覺得自己好年輕哈哈!!
雖然話已經結左婚,, 但係我地都想成件事係自己好有計劃既時候先發生,,
二黎我地冇同過居,, 冇真正過到2人世界,, 所以對2人世界都好多期待,,
三黎結婚洗左一大筆, 我地又唔係有錢人,, 一定要回一回氣先….
其實因為我想轉工的關係,, 我有諗過快d生左佢…..
不過諗返轉頭, 人生規劃上又真係有好多野都唔ready既….
所以阿B好叻豬, 揀岩時候黎!!
直到結左婚大半年,, 我地就開始計劃下呢件事,,
你知, BB呢家野唔係你話一唔避就中嫁嘛!! 所以都預返鬆d時間….
加上我身體本身唔係咁好,, 個人都好虛又成日都病…. 要留d時間黎調理….
中醫話身子弱, 就算有左都好易流產…..
所以我都飲左兩三個月中藥黎調理身體先!!
結果o係冇避孕之後既半年左右,, 姐係我地已婚既一年多3個月咁上下,,
就發現有左喇!!
阿B既預產期都大約係9月尾10月頭,,
唔知會唔會又係咁岩係9月25號結婚周年呢??
不過順其自然啦,, 等佢想出黎既時候自然會蒲頭見爹D媽咪嫁喇!!
回顧返呢一年新婚蜜月期,,
我地…..
同班好朋友開過好多特別既party…
兩公婆去過旅行….
帶自己既爸爸媽媽去過旅行….
兩公婆周圍去…
食左好多有左之後就唔食得既野….
過過屬於我地兩個人既私人時間…
其實就一定唔夠皮嫁喇,, 不過都真係係時候要收心養性左先…
最多第時想放假,, 就比老爺奶奶照顧啦哈哈哈!!!
雖然話呢D野就算生左仔之後都可以做,, 但心態上同時間上都已經好唔同…
所以我個人覺得婚後留返D日子比兩公婆都幾重要,,
當然有D夫婦會一結婚就計劃生BB啦,, 都有好處既可以快D感受到為人父母既喜悅!!
各有各啦,, 大家追求的不同!!
妖打左咁多廢話都未入正題....
聽日先再打...好眼訓....哈哈!!!
恭喜, 開blog大吉!!
回覆刪除