繼續打....
自從發現懷孕後,, 自己都有不停睇書,, 同埋聽各方面的意見…
懷孕期其實係最後一次月經的第一天計起為week 1,,
咁數夠40 weeks,, 就係預產期喇,,
不過聽講好多人第一胎大約係38 weeks or 39 week咁上下都生左了….
回顧一下呢段日子既身體變化同感受先!!
當日我仲未知道自己已經有左BB,,
只係覺得個人好累… 好似成日都唔夠訓咁….
不過我平時都好中意訓覺,, 所以都不以為意….
今晚約左大佬同尤魚食飯,, 食我地最中意食既泰國野!!
我仲狂食生蝦, 咖哩大蜆!! 真係而家諗起都想食….
最好笑係食完既第2日…佢兩條友肚痾,,
但係我一D事都冇,, 哈哈哈!!
仍然係未知有左的日子,,
好友有buffet 的贈券,, 請我去銅鑼灣食半自助的lunch buffet,,
頭盤係自助的,, 我勁食我最中意的凍蝦同凍螺,,
去食buffet我有一半肚都會留比呢d凍頭盤,, 真係賣飛佛!!
主菜我都食左有蝦既扁意粉,, 又係蝦!! 正!!!
真係勁中意食蝦呀我!!
唯一有不適就係最近連續幾日都覺得好頭暈…..
今早起身覺得好唔舒服,, 用溫度計量體溫,, 有37.5度,, 微燒…
於是請左病假o係屋企休息…
因為同平時的感冒徵狀唔同,, 淨係發燒, 個人好熱…
完全冇洗鼻水呀, 喉嚨痛呀咁…
所以都冇睇醫生,, 自己食左粒必理痛就算喇,,
而第二日亦極速退燒。
除左咁之外,, 最近仲出現胸漲、胸痛同埋下腹痛既徵狀,,
同m到係極似,, 所以我都以為好快就會m到,,
我諗我當時就算唔食果粒必理痛,, 都應該會o係第2日自己好返….
因為我上網睇返發熱同無故發燒都係懷孕的徵狀,,
只係我當時唔為意姐!!
沒有留言:
張貼留言