WEEK 12 - 14: 唐氏綜合症檢查 + 彭福公園散心 + 大肚相

2014年3月25(二) – week 12 + 5days (懷孕第89天)

每月一次QE產檢。

今日係去照結構,, check下會唔會唐氏綜合症。

9點半去到,, 等足2個中先有得照睇…

先照超聱波,, 第一次見到已成形既BB,,

有手手腳腳,, 大頭大肚腩,, 感動到很D想喊。

可惜政府冇片比我拎走…. 又唔比我影相…..

量度BB頸皮, 厚1.8,, 醫生話3以下都叫正常。

然後抽了一支血去驗,, 同上次一樣,, 2星期內冇電話 = 安全!!

人地話陀仔會變好醜,, 因為塊面會爆好多瘡…

不過阿仔都叫對我不薄…. 爆係有爆…. 不過o係哂背脊……

2014年3月28 (五) – week 13 + 1days (懷孕第92天)

下腹部隆起越見明顯,, 孕吐期應該完全過去,, 因為最近食慾好了很多。

So far我完全冇因為有左而改變口味,, 除左背脊狂爆瘡,, 同埋塊面爆小小之外,,

都陀得非常好。

陸續收到不同朋友的胎教書,, 胎教音樂碟,, 大家都好錫我呢!!

2014年3月31日 (一) – week 13 + 4 days (懷孕第95天)

近日天氣不穩,, 尋晚又一城仲變埋水舞間…

老公合時地買了2對孕婦鞋比我,, 防滑很好!! (因為我成日都跣親)
第一次萫dr. kong的鞋,, 個款都ok啦,, 最緊要安全!!

2014年4月1日 (二) – week 13 + 5 days (懷孕第96天)

自從搬出黎住之後就有長期鼻塞既問題,,

可能因為間屋極多塵。

不過自從懷孕後鼻窒越黎越嚴重,, 懷孕書都有提過係會咁樣的,,

而且書入面仲教可以用鹽水洗鼻。

今日去藥房買生理鹽水,, 突然有個媽媽走過黎教我,,

話用曼秀雷敦開熱水聞會仲好,, 話鹽水冇咩用…...

哈哈真係好人。

2014年4月5日 (六) – week 14 + 2 days (懷孕第100天)

懷孕第100天!! Is a good day!!

連續落左一個星期雨,, 終於放晴了,, 而且天文台話聽日會再落…

所以即刻出去散下心先!!

懷孕多呼吸郊外空氣對BB同媽媽都很好,, 我地最後揀左去彭福公園!!

好好天,, 好多人放狗。

然後去左附近既「稻香博物館」行下,, 不過時間唔岩,, 行左一半人地就話要關門了…

最後係呢個星期既大肚相。

開始有點肚....

瑣事 : 

(左:) 自從有左之後奶奶成日煲木瓜雪耳,, 聲稱遲D多D奶,,

雖然唔知係咪不過呢個湯真係好飲又有益!!

(右) 媽咪驚死我唔夠生果食,, 不停買比我,, 我每日都帶2個返工,,

一個LUNCH前食,, 一個3點3食。

為防止水腫同抽筋,, 老公每晚都會幫我按摩

結論係.... 大左肚真係成個女皇咁,, 太多人錫,, 哈哈哈!!!